مسج واحد يكسبك كرت منى ... البرقاويه

ا

مسج واحد يكسبك كرت منى ... البرقاويه Traidnt-58d6d83ffd

[
[center]مساء الخيرات اخوتى واخواتى الكرام فى برقه
تحيه طيبه لكم جميعا من اختكم البرقاويه

اعزائى الكرام اليوم جتنى فكره واتمنا ان تنال اعجابكم واتمنا تواصلكم معى

الفكره

كل عضو يخش ويكتب احلى مسج جاه على نقاله .. طبعا لما يدخل كل عضو ويكتب احلى مسج نقوم بعدها من نفس الاعضاء اختيار او ترشيح افضل مسج اعجبه من الاعضاء

وسوف اقوم بارسال كرت لى المسج الفائز بافضل او احلى مسج بعد ما يقوم العضو الفائز باحلى مسج ارسال رساله خاصه برقم هاتفه وسوف يصله الكرت

واتمنا منكم المشاركه .

[color=red]وبشرط واحد :::يقوم العضو بكتابة مسج واحد فقط

وسوف اقوم انا بتنزل احلى مسج جانى على النقال .. وبى انتظار مشاركاتكم معى

تحياتــــــــــــــــــى ...... البرقاويه [/center][/color][/b][/center][/b][/color]

مسج واحد يكسبك كرت منى ... البرقاويه 735752173

احلى مسج عجبنى

ملاحظه : من قالك يغفل عليك البال .. ومن قالك مانك عليا غالى ..؟
ومن قالك يزها بلاك الحال .. ومن قالك مانك عزيز وغالى ..

......... ..

أهنئك ايتها الرائعه والمميزه في افكارها وجديدها
وابعث باحلى مسج عجبني
****
صمتي خير من كثر الكلام , وحتى ان قلت ما عندي جديد
واللي صار صاير من ايام عشقك دوم يسري في الوريد
جنسك بشر في وصفك ملاك نوعك ذهب
في قوة حديد ما ننساك ولا غيرك انريد
نين القبـــــــــــر يبقـــالي مــديــد
مع أجمل تحياتي وديان الورود

فكره جديده ورائعه يابرقاويه
ونقولك افضل مسج وصلني هو

تبكي معاي العمر لو نشكيلك...علي جرح حارحني صعيب دواه
وان عندك مشاكل قولي نبكيلك...خبير في البكاء عايش العمر معاه
وان عندك سوايا يقسمن في ليلك...عقلي مواجع عايشات معاه

احلي مسج هو
ماتختلف عن غيرك ..واكيد ميت من زمان ضميرك
واكيد الندم لازم ايكون مصيرك..ماعاد قلبي ايكون لك محال
ولاعاد كيف الروح عندي انديرك..تحسابه واقع ايكون خيال
تحياتي لك اختي

مشكورين على المشاركه جميعا

وبى انتظار باقى الاعضاء

أشكرك على الفكره الجميله والرائعة
في روح روحي جوه ... قدرك تمكن ما تشيله قوه
مازلت غالي .. في روح روحي جوه

مشكورين جميعا اخوتى على المشاركه

بس حابه نطلب منكم طلب

كل واحد يختار اكثر مسج اعجبه من المسجات اللى كاتبينهن الاعضاء عشان نقدر انححد افضل مسج تم اختياره من الاعضاء
يعنى اكثر مسج تحصل على اعجاب هو الفائز

اتمنا تواصلكم معى اخوتى الكرام

ارجو مازالت مشاركتي ان شاء الله تبقى اجمل مسج

لئن ناءت بنا الأجساد , فالأرواح تتصل
وفي الدنيا تلاقينا , وفي الأخرى لنا الأمل
أسأل ربي المولى , وفي الأسحار أبتهل
بأن ألقاك في فرح , في دار مابها ملل
بجناتٍ وروضاتٍ , بها الأنهار والحلل
بها الأحباب قاطبة , كذا الأصحاب والرسل

اهلين نينى نورتى برقه واهلا بيك بيناتنا

بالنسبه لى المسابقه مازالت فائمه لحين يشاركو اغلب الاعضاء فيها

تحياتى لكى وشكرا على مسجك الحلو

فكره جميله أختنا البرقاويه

ماشاء الله عليك دائماً متجدده ومتألقه

أفضل مسج وصلني هو عباره عن غناوه تقول

يجي نخاف كي ننساه .. ونخاف كي نراجيه مايجي

وبالنسبه لأفضل مسج عجبني من الاعضاء هو

v
v

لئن ناءت بنا الأجساد , فالأرواح تتصل
وفي الدنيا تلاقينا , وفي الأخرى لنا الأمل
أسأل ربي المولى , وفي الأسحار أبتهل
بأن ألقاك في فرح , في دار مابها ملل
بجناتٍ وروضاتٍ , بها الأنهار والحلل
بها الأحباب قاطبة , كذا الأصحاب والرسل

دمتم بخير

مسج واحد يكسبك كرت منى ... البرقاويه Copy

لا تترك خلفك ما لا تستطيع استعادته!!
فكل ماتخط ايدينا باق ونحن راحلون .

مسج واحد يكسبك كرت منى ... البرقاويه 3fa24912

مشكور الهيثم على المشاركه الرائعه
والمسج الجميل

وانقولك ( [color=blue]ايجيب ما ايجيب القسم ... .... كلا اعزاز ما ايجيب كيفهم )
[/color]

صباح الخير اخوانى الاعضاء

كيف صار كنكم امكسدين نشطو ارواحكم اشوى رانى اقريب انعبى الكرت فى جهاز انا ههههههههه

يلا نبى حماس اكثر

وانتظر قريبا النتيجه

أولاً شكراً للدعوة
والفكرة حلوة عجبتني .. عندي هلبة مسجات بس أحلاها بالنسبة ليا

مضى العمر في الترحال
وصابر على الايام صبري طال
اطوالت طريقي والحمول اثقال
ووليت نطوي في الخطاوي طي
وسعت بالي ضاق بي الحال
وصبرت ماخفش الحمل علي
ولقيت ضيق البال غير اهبال
سلمت امري للكريم الحي
ويارب تختملي على احسن حال

وبالنسبة لأحلى مسج عجبني من الأعضاء
تبكي معاي العمر لو نشكيلك
علي جرح جارحني صعيب دواه
وإن عندك مشاكل قولي نبكيلك
خبير في البكا عايش العمر معاه
وإن عندك سوايا يقسمن في ليلك
عقلي مواجع عايشات معاه

مشكوره اختى الوناسه على مرورك ومسج الحلو

تحياتى لكى يا غاليه

لجواد سيرتهم تعز عليا. يستاهلو كل الاقدار هدية!
لجواد يامحلاهم. سوا يخطروا ولايجيك نباهم.
تسعد اوتهنا انكان جيت احذاهم.
وبيك يفرحو هللي نظاف النية!
بعاد المواجع صاينين خطاهم.
وفي فضلهم كل الكلام شوية

مشكورة أختي البرقاويه علي الفكرة الأكثر من راااائعه
لك تحياتي
أختك شهد ليبيا

السلام عليكم

ياعز من رافقت ياعز من غاليت عليما نظرت اوحلت ياعز من عاتبت ياعز من شاكيت دورت نين اتعبت كيفكم ما القيت

فكره رائعه اختى البرقاويه بنسبه لى افضل مسج عجبنى مسج مبسوطه

تحياتى لكى ولى جميع الاعضاء

البرقاويه كتب:: احلى مسج عجبنى

ملاحظه : من قالك يغفل عليك البال .. ومن قالك مانك عليا غالى ..؟
ومن قالك يزها بلاك الحال .. ومن قالك مانك عزيز وغالى ..

......... ..

هذا احسن مسج عجبنى

ومشاركتى انا

جيت بالخطا للمواهيم والجرح عاود سطيره

وعاود سريب القديم وهبت نسايم عبيره

وعالعقل كثرن تخاميم ولا غيرهم جايب سيره

الدنيا يقولوا تقاسيم والذاهب يدبه خبيره

ما يذهبك غير الغشيم ان رافقت رافق الخيره

تحياتي لك يابرقاويه واحلي مسج عجبني

جيت بالخطا للمواهيم والجرح عاود سطيره

وعاود سريب القديم وهبت نسايم عبيره

وعالعقل كثرن تخاميم ولا غيرهم جايب سيره

الدنيا يقولوا تقاسيم والذاهب يدبه خبيره

ما يذهبك غير الغشيم ان رافقت رافق الخيره

[color=red][b][center

]شكرا لكم جميعا

شهد - حميد -ابن الجبل - مبسوطه

تحياتى لكم وشكرا على قبول دعوتى واتمنا لكم التوفيق

عندي أصحاب عال صحبة ولآيل وقت الضيق ديما واقفين اسماح القول واسماح الفعايل كيف الكنز معياره ثمين
أن صار غياب جت منهم رسا يل رسا يل شوق مليانا حنين يداووا الجرح ويحيدو العلايل ويردو الفرح للقلب الحزينa

زفر تزعه ازنين زده زبعه زمانيه زفر زبعه زفر

لالا مش شنوشه

تشادي ايمل في رقمه

زفر تزعه ازنين زده زبعه زمانيه زفر زبعه زفر

هههههههههههه قويه هذى يا صقر الشرق ماحوتنى ما فهمتها عادوتها كم مره بيش فهمتها

شكرا لك على مشاركتك الحلوة

تسلمي يا غاليه

هههههههههههههههههههههههههههههههههههه
لاكرت لاطاريه امعاي يافلس خود غايتك

» صور غرف نوم اطفال ...... البرقاويه
» فوائد الصمت ..... البرقاويه
» أجمل فتاه بالعالم ... البرقاويه
» اتحدا اى واحد
» لقــــــــــاء مع واحد مخنوق جدا