طلب شعر للشاعر مهدي بشير

اريد قصائد للشاعر مهدي بشير او بوستة

اهلا اخي الانيق لقد احضرت لك قصيدة للشاعر مهدي بشير ارجو ان تنال اعجابك

[size=21]مابت موح قديم ترومه......عين كتومه......تجحد ف البكيه مظلومه
مابت موح قديم تروم......وهو محتوم......فراقه سقاى المبروم
ذوايح خلت راس القوم.....هذيك الشومه.....ماتثمرفيها الهرومه
دنيا نايرها باليوم.....تحل برومه.....يصبح مشموطه كومه
مو غير حزام المكروم......ومض سهومه.....فى واجد عينى مظيومه
مابت يوم تروم الموح.....وراه ذوح......ونا شافق منها ع الروح
انداجى فى خاطر مجروح......كبار همومه.....منهردات عليه دمومه
هى مابت يوم له تبوح.....تعًدالومه......تحلف ع الدمعه معصومه
بين مغاصرهن مذبوح.....وبين خصومه.....عقلى وقبول المقسومه
مابت يوم تروم العين....الياس الشين.....الجاير جاى دون قديمين
بحرها موجين بموجين.....تخًف تعومه.....يقلب ماركًح ديمومه
من شيلة مرحول الزين......وهى مهمومه....والعقل تشوى فى نومه
خلاها بين نوارين....خفا ملحومه......واليل تشاكى فى نجومه
مابت يوم تروم الياس....وهو منهاس....غلاها وعروقا يباس
نسايها وتقول خلاص....تجى مزمومه...وتقول خذونى للحومه
للى لابانت ع الناس....زعيم حكومه.....متنوشن يعرض فى قومه

وهده قصيده اخرى
[/size]يا مهدي قاتلنى ارياف عليهن ... اوهام غاليه وحتى حد مافيهن
زايد عليه اريافي ... موكر ضنا الاجواد وأم شعافي
العالم الله بالحال مانى جافي ... انهيم وين ماجابو علل طاريهن
لكن اضروف اموتقات أكتافي ... احمول فوق من حملي انجازى بيهن
حتى انكانه كوم عليهن سافي ... وجاب راس عاليهن على سافيهن
نمشي على مجمر وطانهن حافي ...وليا ارخصن عند الوقت نا شاريهن

ما عليهن ساعه ...تمازا اريافي لا سفيت اقناعه
سنا نار فرقاهم الى لذاعه ... لهاليب ما سالن على طافيهن
انحوس حوست المفطوم عالرضّاعه ... نهار لفطام انجبت بيت عليهن
تقيل بيت بوقاطش عليا داعه ... افاهق خذيت زمان نرقع فيهن
سراقات دارني لهن جراعه ... حتى وهن خلا خالي جفا كاسيهن
ما تقول حشت ذود فى مرباعه ... اصدار هود نوراه طهق كاسيهن
فحلها ليا هدر كما طرقاعه ... خشوم مزن بارقهن شكع غربيهن
أسيادها اجواد للوغا فزاعه ... جواسير يطامن الى ايحاديهن
ركابه عللي بنعال بوزاعه ... شرار اقدحن فالصم تحت ايديهن
الواحد ليا قعد ازناده طاعه ... جن فالقصد عالميل كيف يبيهن
دوازين حمل المايله رداعه ... ليا ميعدن راى السقم ياتيهن
نواجع عرب ما ينزلن قرقاعه ... تقادن على عافى اسما بيهن
وافى لبو عشرين عالدراعه ... بيدين الحراير فرشهن وحويهن
تنابن نهار ادراس كوم القاعه ... عطنّا زكات المال توبه بيهن
ولا يدوم فالدنّيا هنا لاطاعه ... لا يدوم شر ولا هنا كاسيهن
كل عمر كاتبله المولى ساعه ... ويام ربيع الصيف متكفيهن
أوهام سوتهن خلين بلا قداعه ... اماريدهن غارن على ساقيهن
وشاواتهن ما عبرن جراعه ... بومهن غرد هاوا على درديهن
يا مهدي قاتلنى ارياف عليهن ... اوهام غاليه وحتى حد مافيهن

اشكرك يا قلم يا مكسور على متابعتك طلبي

والله احييك

الانيــــــــق

المــــــــهــــــــدى بــــــشِِِِـــــــــيـــــــــر الـــــــتـــــــمــــــامــــــــى

لا عاد غلا لاغيا .... بعد خونته صابغ سواد صبيا .... الى باعنا

سيبو جرنانه ...........يا انضار طولهن خيام عزانا
بعد الوفاء جافا عزيز رخانا ..............خلاكن اتجضن بى الدموع سخيا
وها الدهر فانى مايلات اركانه........... ما يدوم فيها حال دار خليا
الدايم الله فوى عزتا سبحانه.......... مهندس الكون بقدرتا العليا
كمين نجع كانن وتقات اركانه.......... فطره فى العفا صاعب على الغزيا
نزف طبلهن لامن على فرسانه ...........يجوهم جوارد ها العزوم قويا
صاحب السو بضنوته قزانه............. صحاب صيت مايرضو بها الرزيا
ركابه على الى لى الوطا جضرانه .........هم عز للخايف ولى ام حويا
الهم شيخ بى الحكمه رجح ميزانه ..........رفيع اصل ديما فتوته شرعيا
بيته كبير امكربات اركانه ............وسطه اتخيل الى تقول تريا
علاى عا الجبين وديها برزانه ...........ودورها طويل وعين من الكوهيا
عفيفا شريفا عا الخطا عصرانه............فاتحه خدن من الوالدين رضيا
ولد سيدها طالب ودز بيانه............. عاقد وفيها فاتحه مقريا
عقاب لين زف الطبل قالو يانا............... البل انساقت من ضحا الغزيا
اركب فوق حجلا ودقرته مليانه............... ناوى رداد الدول من الديليا
حتى الى فى طبعها حرانه............. فزت وطارت فزت النيسيا
ساعت وجوه الفجر فى حكرانه................عليهم لفى ضابط ابن الروميا
قاللهم اعطاش وخيلنا عيانه.............. قالى يسارك مرحبا بى الجيا
جبا على المعطان فوق حصانه................ القيهن بنات النجع عا الميا
اقربهن اصابن وين تاق حصانه.............. وهى بينهن تحلف غزال حطيا
اتكر فى ثقال جرارها مليانه............... قدامه صبا خبيث النيا
قات الاجواد انكان ضيف جانا................ وخشوم سو للى يودنا بى السيا
كسيرت الخاطر روحت حزنانه................ وعيونها اتفيض بى الدموع قويا
تشكى لبوها حاسه بلهانه .................قاتلا رداد كفاك جى بى السيا
طرز على الكحيله يرقى دخانه................ كمامه كمامى مزقن جوجيا
ما يسلم العرض الى رفيع مكانه............... لا الى تخلط بى الدما الزكيا
الحقهم ومو داير حساب خيانه ................تقفاه رومى مزقا جوجيا
جاها نبا بوها الى حنانه ...................طاحت قتيله ع الوطا مسفيا
عا التار لمن يندبن نسوانه.................. خدن ليلهن يشلن على داعيا
وروح وهو يحسابها مطمانه................. امخلص ديونا من خباث الفيا
القيهن يشالن مايحات حزانه............... سود العصايب لاوراء ملويا
قالو الدايم ربنا سبحانه.................... براما الدنيا فانيا وخليا
كبر عزامك واتركه ديونه ..................راهو طال الحبالها القويا
لقاهم بعبرا نازحات عيانه ...................من فرقا غوالى كبدتا مشويا
قاطر وطالب ثار من عدونه................. الحقهم الى كانو اسباب رزيا
خدى ليل تالى يقص فى................... ريغانه لا ضاق زاد ولا شرب الميا
امع الفجر تاقن يلهبن نيرانه................... امباتهم الى دارو معاه سويا
خلاه اشلا لا قبر لا دفنا ..................سمانه وجت فى صداف البحاريا
يتقاصر النجع وعقمن نسوانه............... وكملو فراسينا بلا دريا
لا فارس ايجيب الثار من عدوانه.................. لا صاحب يشفا داك وان شكيا
ما عاد تاجد قلب فيه حنانه................... ولامن يحود ع الخطا والسيا
والى زمان وجابها بى رزانه.................... اتقطف اليوم الفاضها سوقيا
والى قبل كانت ع الخطا ...................عصرانه تمت مخزنها خطا ممليا
على كل منهن وردا عطشانه............... تصبح بصوب وتنقضا العشيا
من كاس الخطا ياشربه ريانه............... لا تحس فى تاريخ لا بيتيا
عليها ابليس اموثقا سلطانه .............وزيدها اخرى من الوالدين دعيا
قطيعت ارحام وخاينا الامانه.............. الا الدين ما تنشد على داعيا
الى مخبلا ومعقدا مسدانه .................لعنها ضرا لا وقت لا ذريا
ولعنها رزيا طايحه شرقانه .................وتشبح اهوال وما اطق منيا
ويوم الحشيره والعرب عيانه.................. نهار لايفيد بنون لا ماليا
نهار كل حد يشهد عليه لسانه ..................وكل الاعضاء تشهد على الخطيا
والضالم يتما قبح فى نيرانه............... وتخلص اديون كبار بى الشرعيا
والى دار خير يرجحا ميزانه................ بصلاته وبصيامه وحسن النيا
غفار الدنوب برحمتا سبحانه................يغفرلى خطايا درت فى ماضيا
يا الله يا رحمان يا مولانه............. يامن شفيت ايوب بعد بليا
ع الخير يتقن وثقات اخطانه.............. يا الله واجعل حاجتى مقضيا
سريب هالدنيا واتركا جرنانه.................... ونعبد الله ونهتدى بنبيا
ونصلى على الى صانها الامانه.............. شفيع الخلايق من النار الحيا

لا عاد غلا لاغيا ...... بعد خونته صابغ سواد اصبيا ........... الى باعنا

هادى يا خونا مافيش منها الا فى منتديات #####

وانى الى كاتبها وتاعب فيها بس مش خسارة فيك

» @ قصيده : مره مره .. للشاعر ادريس الشيخى @
» ضوقي مره ..للشاعر فرج محمود القحاشي
» خديت عالخلاء /للشاعر :فرج محمود
» قصيده الام للشاعر حسن بو الدرديه المنصورى
» ياديار الغايب .للشاعر / عـــــــــــوض مختار