ثلاثيات ليبيه

موضوع: ثلاثيات ليبيه الأحد يونيو 06, 2010 11:34 am

ثلاثيات ليبية

...........

ثلاثة يتمناهم الليبيين: السكن في المدينة. . والعلاج في تونس . . والوصول لسن التقاعد.

....

ثلاثة ما تحلمش بيهم : السفر للسياحة . . وتصيف مع عايلتك . .. وكأس العالم في ليبيا.

....

ثلاثة صعب نتخلى عنها : الماء . . والهواء . .والشرمولة .

.....

ثلاثة لازم نتخلى عليهم : التفنيص . .والسفترة. .. والبني خارج المخطط .

.....

ثلاثة تسبب الإحباط : الواسطة . .. و الديون . .. والمنتخب الليبي . .

.....

ثلاثة يرفعوا الضغط : الملح . .. وزحمة المرور . .. والعيل كان حشش .

....

ثلاثة تسبب الغرور : الفيلا . .. والهمر . .. وبدلة الحرس البلدي .

.....

ثلاثة ما يرقدوش الليل : المديون . .. والسراق . .. وواحد نايضة عليه السوسة ..

.....

ثلاثة شبه اختفوا من ليبيا : الدلاع الطويل . .. واحترام الشياب . . والجرد مع الرداء . .

.....

ثلاثة ما تحسش بطعمتهم الا في ليبيا : شاهي العاله. .. ومكرونه على الحطب . .. والبورديم . .

.....

ثلاثة ما تستغربهمش في ليبيا : واحد قاص السريع على رجليه . . وواحد يسوق في الاتجاه المعاكس . . ومتعين وعمره عامين. .

.....

ثلاثة تتمنى ما تتصبحش فيهم : سواق افيكو مستعجل . .. وطابور طويل في الشيل . . ومديرة المدرسة وفيدها عصا. .

.....

ثلاثة ما تعرفش أمتى تخشلهم : السجن . .. والمستشفى . .. ومكب القوى العاملة. .

.....

ثلاثة ما لهمش معنى إلا في ليبيا : القعمول . .. والزميطة . .. والعصبان . .

......

ثلاثة ربي يفكك منهم : مجاري مفتوحة . .. وكلب مطلوق . .. وحيطة طايشة .

.....

ثلاثة إيديرو فيهم الليبيين بس : السواقة في الأحمر. . والطبخ على رأس بمبلي الغاز . .. وتنفيض فرشة من الروشن. .

تحياتى ..... البرقاويه

ثلايات ليبيه صح وبالذات تالت نقطه من كل فقره
هههههههه عموما يغير ولايتغير
موضوع حلو طرائف واقعيه نوعا ما
تقبلي مروري بكل ود

مرورك اسعدنى عزيزتى ..الف تحيه لكى

» مسجات ليبيه 100%100
» اشعار ليبيه
» مسجات ليبيه شعبية